تورکو شعرلریم- özəl əl yazılarım

تورکو شعرلریم- özəl əl yazılarım

Bu Weblogdakı Şerlər - Öz Qoşmalarım
تورکو شعرلریم- özəl əl yazılarım

تورکو شعرلریم- özəl əl yazılarım

Bu Weblogdakı Şerlər - Öz Qoşmalarım

اورمو گولوم

باغیم ویران اولاجاق   

آل گوللریم سولاجاق

آنام ساچین یولاجاق

                                            گولوم سوسوز قالاندا

                                           دوشمان ضیرنا چالاندا


گون گونی یی یاغلارکن

دوز یارانی داغلارکن

کورپه اوشاق آغلارکن

                                           منیم گولوم سوسوزدو

                                           ایکیت یاتسا اوتوزدو


اوزاقدان گلن قوشلارا

گلمیین بو توشلارا

گلسز ساغلیق بوشلار ها!

                                           گولون سویو قورویوب

                                            اونو دوزلاق بورویوب


دردلی اوره ک یاغلانیر

آچیق   اللر   باغلانیر

حقدن  دیین  داغلانیر

                                           منیم گولوم هایاندی

                                           اورک منده دایاندی

آد قویوللار سوزومه

یاد   دئییللر  اوزومه

دیلی تیکان گوزومه!

                                            آزربایجان آدیمدیر

                                           اورمو گولو دادیمدیر


بوردان اورا اوزاقدی!

بو گول  منه  توزاقدی

دونان  بیزی  بوزاقدی

                                           شفا   منه  درد  اولدو

                                           من سو دئدیم او دوندو

هارای اوزاق ائلله ریم

یاساق دوشن دیلله ریم

یورددا  اسن  یئلله ریم

                                           مندن  سلام  او   گوله

                                           گولوم اولسه ائل اوله


قاراداغلی   چال   سازی

دوشونجه دی سوز یازی

ایلهام   اولارمی  قاضی؟

                                           اورمو گولوم اوجالسین

                                           آرازیندان   باج   آلسین!

 


Şair: Mustaf araz


 

Urmu gölüm

 


Bağım vıran olacaq

 Al gülərim sulacaq

Anam saçın yolacaq

                                    

   Gülüm susuz qalanda

                                        Düşmən zirna çalanda


**


Gün güneyi yağlarkən

Duz yarani dağlarkən

Körpə uşaq ağlarhən


                                     Mənim gölüm susuzdu

                                     Igid yatsa utuzdu



**


Uzağdan gələn quşlara

Gəlmiyin bu tuşlara

Gəlsəz sağlıq boşlar a

!

                                           Gölün suyu qoroyub

                                            Onu duzlaq boruyub


**


Dərdli ürək yağlanır

Açıq əllər bağlanır

Həqdən diyən dağlanır

                                            

Mənim gölüm hayandı

                                             Ürək məndə dayandı

 

 

***

 

Ad goyullar sözümə

Yad deyirlər özümə

Dili tıkan gözümə !

                                    

Azərbaycan adımdır

                                     Urmu gölü dadımdır


**


Burden ora uzağdı

Bu göl mənə tuzağdi

Donan bizi buzağdi

                                  


Şəfa mənə dərd oldu

                                     Mən su dedim o dondu



***

 

Haray uzaq elərim

Yasaq düşən dilərim

Yürda esən yellərim

                                      

Məndən səlam o gölə

                                       Gölüm    ölsə   el   ölə


*****


Qaradağlı çal sazı

Düşüncədir söz yazı

Ilham olarmi qazı

                                     



Urmu gölüm ucalsın

  Arazından bac alsın


Şair: Mustafa araz